VoIP - இணையத் தொலைபேசி
PM 1:50 வழங்கியவர் ameerdeen
மிகக் குறைந்த செலவில் எண்ணிக்கையில் அடங்காத அளவில் சர்வதேச நகரங்களுக்கு தொலைபேசுவதற்கு VoIP எனப்படும் நவீனத் தொழில்நுட்பம் உதவுகிறது.
இடையூறு இல்லாத நவீன தொழில்நுட்பத்தின் உதவியால் இது சாத்தியமாகிறது.
VoIP என்பதன் விரிவு - Voice Over Internet Protocol
பழைய நுட்பத்தில் ஒலியை கம்பி வழியாகக் கடத்தினார்கள், சிலகாலத்திற்கு முன்பு செல்பேசி (cellphone) வந்தது. இப்போது VoIP தொலைபேசி.
VoIP நுட்பத்தில் ஒலியை அதிவேக அகலப்பட்டை (broadband)யுடன் கூடிய இணையத்தில் கடத்துவார்கள்.
நமது வீட்டில் இருக்கும் தொலைபேசிக் கருவியைப் பயன்படுத்தாமல், அதற்கு மாற்றாக இணையத் தொலைபேசியைப் பயன்படுத்துவது இதன் முக்கிய அம்சம்.
இதற்கு internet telephony என்றும் பெயருண்டு.
நாம் பேசும் பேச்சின் ஒலியை சிறு சிறு பொட்டலங்களாக (SIP) மாற்றி அவற்றை இணையம் மூலமாக அனுப்பி அடுத்த முனையில் இருப்பவரது கணினிக்கு அனுப்புவதே இந்த நுட்பமாகும்.
சிறப்பம்சங்கள் :
1) மிகக்குறைந்த செலவில் அதிக நேரம் பேசி மகிழலாம்.
2)மிக எளிமையாகக் கையாள இயலும்
3) பழங்காலத்து PABX (Private Automatic Branch Exchange) எனப்படும் நுட்பத்தில் ஏகப்பட்ட குழப்பங்கள் இருந்தன. இதில் எல்லாம் ஓரங்கட்டப்பட்டு நவீனத்துவம் பெற்றிருக்கிறது.
4) மின்னஞ்சலை எவ்வாறு எந்தக் கணினியிலும் அனுப்ப / படிக்க முடிகிறதோ, அதேபோல VoIP தொலைபேசுவதை எந்தக் கணினியில் இருந்தும் மேற்கொள்ளலாம்.
5) Call forwarding, call waiting, voice mail, caller ID ஆகிய வசதிகளும் இதில் உண்டு.
